کراچی: پٹیل پاڑہ سے ڈکیتی و رہزنی کی 200 سے زائد وارداتوں میں ملوث ملزم گرفتار

کراچی: (کوہ نور نیوز) کراچی میں اسٹریٹ کرائمز کی وارداتوں میں کمی نہ آ سکی، رواں سال کے پانچ ماہ میں لوٹ مار کے دوران ہزاروں شہری قیمتی اشیا سے محروم ہو گئے۔ رواں سال 5 ماہ میں جرائم میں ریکارڈ اضافہ، 25 تھانے گاڑیوں کی چوری اور چھیننے کی وارداتوں سے متعلق حساس قرار دیدیئے گئے جن میں زمان ٹاوُن، کورنگی، سرجانی، عوامی کالونی، تیموریہ، جمشید کوارٹرز شامل ہیں۔ 5 ماہ میں سب زیادہ موٹر سائیکلیں زمان ٹاون سے چھینی اور چوری ہوئیں، 20 ہزار 7 سو 76 شہری موٹر سائیکلوں سے محروم ہوئے۔ 13 ہزار 150 موٹر سائیکلیں چھینی اور چوری ہوئیں۔ 10 ہزار 2 سو 38 شہریوں سے موبائل فون چھینے گئے۔ گزشتہ برس یہ تعداد 7 ہزار 3 سو 47 رہی، کراچی والے 770 گاڑیوں سے بھی محروم ہوئے۔ سال کے ابتدائی 5 ماہ کی کل تعداد 609 تک پہنچ گئی، اغوا برائے تاوان 9، بھتہ خوری کے 10 واقعات رپورٹ ہوئے۔