یمن ؛ تارکین وطن کیمپ میں خوفناک آتشزدگی سے 8 ہلاک اور 107 زخمی

صنعا: (کوہ نور نیوز،ویب ڈیسک) عالمی خبر رساں ادارے کے مطابق یمن کے دارالحکومت صنعا میں تارکین وطن کے حراستی کیمپ میں آگ لگنے سے کم از کم آٹھ تارکین وطن اور ان کے محافظ ہلاک ہو گئے جب کہ 170 سے زائد افراد زخمی ہیں۔ زخمیوں میں سے 90 کی حالت نازک ہونے کے باعث ہلاکتوں میں اضافے کا خدشہ ظاہر کیا جارہا ہے۔ آگ لگنے کی وجوہات کا تاحال تعین نہیں ہوسکا ہے۔ آتشزدگی میں محفوظ رہنے والوں کو دوسرے کیمپ منتقل کردیا گیا ہے۔ اقوام متحدہ کی ترک وطن سے متعلق ایجنسی آئی او ایم کی ڈائریکٹر کارمیلا گوڈیو نے ٹوئٹر پیغام میں صنعاء کے مہاجرین کے حراستی مرکز میں آتشزدگی سے ہلاکتوں پر گہرے افسوس کا اظہار کرتے ہوئے لکھا کہ 8 افراد کی ہلاکت کی تصدیق ہو چکی ہے مگر اصل تعداد کہیں زیادہ ہے۔