انگلش انالسٹ دوران میچ کرکٹرز کو کوڈ ورڈ پیغامات بھیجنے لگے

کیپ ٹاﺅن: (کوہ نور نیوز) انگلش ٹیم اینالسٹ ناتھن لیمون بالکونی سے کوڈ ورڈز میں کلپ بورڈ پر ڈیٹا کپتان ایون مورگن کو فراہم کرتے رہتے ہیں۔ انگلینڈ نے دوران میچ حریف کی خامیوں کو پکڑنے کا ’خفیہ‘ طریقہ ڈھونڈ نکالا، اس کا انکشاف نائب کپتان جوز بٹلر نے کیا، رپورٹ کے مطابق یہ کوڈ ورڈ پیغامات نہ صرف میچ ریفری بلکہ اینٹی کرپشن آفیشلز سے بھی کلیئر ہوتے ہیں۔ بٹلر نے کہاکہ اینالسٹ کھیل میں بہت زیادہ اہمیت رکھتے ہیں، لیمون اپنے کپتان کو اپ ڈیٹ رکھتے ہیں، مورگن بھی کافی ذہین اور وہ ان معلومات کو اپنے حق میں استعمال کرنا جانتے ہیں۔ واضحر ہے کہ انگلینڈ نے جنوبی افریقہ کو 3 ٹی 20 میچز کی سیریز میں وائٹ واش شکست سے دوچار کیا۔