نیوزی لینڈ میں موجود یونس خان نے اپنی سالگرہ روزہ رکھ کر منائی، سب کیلئے مثال قائم کردی

کرائسٹ چرچ (کوہ نور نیوز) قومی کرکٹ ٹیم کے سابق کپتان یونس خان نے اپنی سالگرہ روزہ رکھ کر منائی، انکا کہنا تھا کہ انکا یہ مسلسل پانچواں روزہ ہے۔ ٹیم کے کھلاڑیوں اور سٹاف نے انہیں ویڈیو لنک کے ذریعے جنم دن کی مبارکباد پیش کی۔ قومی ٹیم کے بیٹنگ کوچ کی سالگرہ پر پی سی بی نے سماجی رابطے کی ویب سائٹ ٹویٹر پر ایک ویڈیوجاری کی ہے جس میں قومی ٹیم کے کھلاڑیوں سرفراز احمد، یاسر شاہ، حارث سہیل، فواد احمد، اظہر علی اور دیگر سمیت قومی ٹیم کے کوچ مصباح الحق اور باؤلنگ کوچ وقار یونس کو یونس خان کو سالگرہ کی مبارک باد دیتے ہوئے دیکھا جاسکتا ہے۔ خیال رہے کہ قومی کرکٹ ٹیم نیوزی لینڈ میں سیریز کھیلنے کیلئے موجود ہے اور ایک ہوٹل میں قرنطینہ کے ایام مکمل کر رہی ہے ۔ اسی وجہ سے تمام کھلاڑیوں نے ویڈیو لنک کے ذریعے بیٹنگ کوچ کی سالگرہ منائی۔