پی ایس ایل اور انٹرنیشنل میچز کی میزبانی کے لیے تیار ہیں، وزیر اعلیٰ سندھ

کراچی: (کوہ نور نیوز) وزیراعلیٰ سندھ کی پی ایس ایل فائیو کے بقیہ 4 میچز کراچی میں کروانے کی یقین دہانی کرواتے ہوئے کہا کہ کراچی پھر پی ایس مقابلوں کی میزبانی کے لیے تیار ہے، پہلے بھی شہر قائد میں کرکٹ مقابلوں کے انعقاد میں کردار ادا کیا۔ مراد علی شاہ نے کہا کہ پاکستان کرکٹ بورڈ (پی سی بی) سے بھرپور تعاون کیا جائے گا، امید ہے میچز کے دوران کورونا ایس او پیز پر عمل کیا جائے گا۔ انہوں نے کہا کہ ہم انٹرنیشنل مقابلوں کی میزبانی کے لیے بھی تیار ہیں۔ واضح رہے کہ گزشتہ روز پی سی بی نے لاہور میں اسموگ کی ممکنہ شدت کے باعث پاکستان سپر لیگ سیزن فائیو ناک آوٹ مرحلہ لاہور سےکراچی منتقل کرنے کا اعلان کیا تھا۔ پاکستان کرکٹ بورڈ کا کہنا تھا کہ پی ایس ایل کے ناک آوٹ مقابلے نیشنل اسٹیڈیم کراچی میں بالتر تیب 15،14 اور17 نومبر کو کھیلے جائیں گے۔ یاد رہے کہ پی سی بی نے پاکستان زمبابوے ٹی20 سیریز کو بھی ممکنہ اسموگ کے باعث لاہور سے راولپنڈی منتقل کردیا ہے