فتح جنگ: کنویں کی صفائی کے دوران گیس بھرنے سے 6 مزدور جاں بحق

فتح جنگ: (کوہ نور نیوز) کنویں کی صفائی کے دوران گیس سے دم گھٹنے سے 6 افراد جاں بحق ہوگئے۔ ریسکیو حکام کے مطابق واقعہ نواحی گاؤں ڈھوک ملیار میں پیش آیا جہاں مزدور کنویں کی صفائی کررہے تھے کہ اس دوران گیس بھر گئی جس سے دم گھنٹے کے باعث 6 مزدور جاں بحق ہوگئے۔ ریسکیو حکام کے مطابق واقعے کی اطلاع ملنے پر ریسکیو اہلکاروں نے وقوعہ پر پہنچ کر امدادی کارروائیاں شروع کردیں اور لاشوں کو نکالنے کا کام جاری ہے۔ ریسکیو حکام نے ہلاکتوں میں اضافے کا خدشہ ظاہر کیا ہے۔