سعودی عرب میں کرونا کے 119 نئے کیسز کی تصدیق، آج سے رات کے کرفیو کا اعلان

ریاض: (کوہ نورنیوز) سعودی عرب میں شہریوں کی حفاظت کے لیے سخت حفاظتی انتظامات کیے جا رہے ہیں، شاہ سلمان نے آج سے اکیس روز تک رات کا کرفیو لگا دیا۔ وزارت داخلہ ملک میں کرفیو کے اعلان پر عمل درآمد کو یقینی بنانے کے لیے اقدامات کرے گی۔ تمام سول اور فوجی ادارے وزارت داخلہ سے تعاون کےپابند ہوں گے۔ سرکاری اور نجی شعبوں کے ملازمین کرفیو کی پابندی سے مستثنیٰ ہوں گے، سعودی عرب میں ایک روز میں کرونا وائرس کے 119 کیسوں کی تصدیق کے بعد ٹوٹل متاثرین کی تعداد 511 ہو گئی۔