اپوزیشن کا ان ہاؤس تبدیلی کا خواب کبھی پورا نہیں ہوگا: گورنر پنجاب چودھری سرور

لاہور: (کوہ نورنیوز) گورنر پنجاب چوہدری محمد سرور سے سابق صوبائی وزیر عبد العلیم خان نے ملاقات کی۔ اس موقع پر چودھری سرور کا کہنا تھا ہر گزرتے دن پاکستان مضبوط اور مستحکم ہو رہا ہے، ملک کو عدم استحکام کا شکار کرنے کی کوشش کرنیوالے عوام کے خیر خواہ نہیں، احتجاج اور مارچ سے اپوزیشن کو مایوسی کے سوا کچھ نہیں ملے گا۔ چودھری سرور نے کہا ہے کہ اپوزیشن کا ان ہاؤس تبدیلی کا خواب کبھی پورا نہیں ہوگا، پیپلزپارٹی اور مولانا سمیت سب 2023 تک انتظار کریں۔ چودھری سرور کا کہنا تھا وزیر اعظم عمران خان مسائل کو جڑوں سے ختم کر رہے ہیں، جی ایس پلس سٹیٹس میں توسیع ملکی معیشت کیلئے بڑا تحفہ ہے۔