پیرس فیشن ویک کے دوران ماہرہ خان کی تصاویر کی دھوم

پیرس: (کوہ نور نیوز) اداکارہ ماہرہ خان پیرس فیشن ویک میں شرکت کے لیے فرانس میں موجود ہیں، فیشن ویک کے دوران انہوں نے چند تصاویر اُتاریں اور اپنا سوشل میڈیا پر اپ لوڈ کیں جو دیکھتے ہی دیکھتے وائرل ہو گئی اور ہر طرف ان تصاویر کی دھوم مچی ہوئی ہے۔ اس سے قبل گزشتہ برس ماہرہ خان نے فلمی دنیا کے سب سے بڑے میلے کانزفلم فیسٹیول میں پاکستان کی نمائندگی کرکے دنیا کو پیغام دیا تھا کہ پاکستانی فنکار بھی کسی سے کم نہیں۔ کانز فلم فیسٹیول کے دوران ماہرہ خان کے لباس اور سٹائل کی بے حد تعریف کی گئی تھی۔ اب نیا عزم لیے ایک مرتبہ پھر اداکارہ پیرس فیشن ویک میں حصہ لینے کے لیے ایک روز قبل پیرس پہچی ہیں جہاں انہوں نے انٹرنیشنل برانڈ لوریال پیرس کی سفیر کی حیثیت سے پیرس فیشن ویک میں پاکستان کی نمائندگی کرنی ہے۔ یہ ایونٹ یکم اکتوبر تک جاری رہے گا، اس میں اداکارہ ماہرہ خان جلوے بکھیرتی نظر آئیں گی۔