اب ایک ’ڈراؤنا گیم‘ کھیلیں مائیکرو سافٹ پینٹ پر، ایک دندان ساز کی حیران کن ایجاد

پولینڈ: (کوہ نور نیوز) انفارمیشن ٹیکنالوجی کے اس جدید دور شاید ہی کوئی مائیکروسافٹ پینٹ پر گیم کھیلنے کے بارے میں سوچنے کی جسارت بھی کرے لیکن پولینڈ کے ایک دندان ساز کو نہ جانے مریضوں کے درد کا علاج کرتے کرتے کیا سُوجی کہ مائیکرو سافٹ پینٹ پر ’ورلڈ آف ہارر‘ نامی گیم تخلیق کربیٹھے۔ ’ورلڈ آف ہارر‘ 1980 میں جاپان کے ایک ساحلی گاؤں میں ہونے والے پراسرار واقعے پر مشتمل ہے جس میں ایک خوفناک ناک مخلوق سمندر سے نمودار ہوتی ہے اور پورے گاؤں میں دہشت قائم ہوجاتی ہے۔ مکینوں کا خیال تھا کہ یہ سب عام طور پر نظر نہ آنے والی مخلوقات جیسے جن یا بھوتوں کی کارستانی ہے۔ مائکروسافٹ پینٹ پر بنائے گئے اس گیم میں اسی گاؤں کی 5 مختصر کہانیاں شامل ہیں، پورے گیم کے دوران موسیقی کی دھن وہ استعمال کی گئی ہے جس سے پراسراریت جاری تھی۔ وہم، خوف اور ڈر کے امتزاج سے بنائے گئے اس کھیل میں کھلاڑی بھول بھلیوں میں کھو جاتے ہیں اور کسی حادثے کا شکار ہوجاتے ہیں۔ کھلاڑیوں کو ان خوفناک مراحل سے جذبات، خوف اور ڈر پر قابو رکھتے ہوئے آگے بڑھتے رہنا ہوتا ہے اگر کوئی کھلاڑی خود کو چھریوں کے وار اور دہشت ناک مخلوق کے خوفناک دانتوں سے محفوظ رکھتے ہوئے پانچوں مراحل کو پورا کرلیتا ہے تو وہ کامیاب قرار دیا جاتاہے۔