کشمیری لڑکوں کو بجلی کے جھٹکے، خواتین کیساتھ زیادتی ہو رہی: بھارتی صحافی

سری نگر: (کوہ نور نیوز) بھارتی صحافی رعنا ایوب نے ٹویٹ میں کہا کہ مقبوضہ کشمیر سے ابھی لوٹی ہوں، مقبوضہ وادی میں جو دیکھا وہ اس سے پہلے کبھی نہیں ہوا ہوگا۔ بھارتی صحافی کا کہنا تھا کہ بھارتی فورسز کی جانب سے 12 سالہ بچے کو حراست میں لے کر پیٹا جا رہا تھا، خواتین کے ساتھ زیادتی ہورہی ہے۔ رعنا ایوب نے کہا کہ لڑکوں کو بجلی کے جھٹکے دئیے جارہے ہیں، کیا یہ سب معمول کے مطابق ہے ۔ انہوں نے کہا کہ کشمیریوں کے اندر بھارتی میڈیا کے لیے جو غصہ اور نفرت ہے وہ پہلے کبھی نہیں دیکھی ہے۔