روپے کی بے قدری جاری، اوپن مارکیٹ میں ڈالر 157 روپے کا ہوگیا

کراچی: (کوہ نور نیوز) انٹربینک اور اوپن مارکیٹ میں ڈالر کی قدر میں اضافہ دیکھا جارہا ہے۔ بدھ کے روز کاروبار کے آغاز پر انٹربینک میں ڈالر کی قیمت میں 10 پیسے کا اضافہ ہوگیا جس سے ڈالر 156.90 روپے کا ہوگیا۔ انٹربینک میں ڈالر کی قدر میں اضافے کے بعد اوپن مارکیٹ میں بھی ڈالر مہنگا ہوگیا اور اس کی قیمت میں 20 پیسے کا اضافہ ہوا جس سے ڈالر 157 روپے میں فروخت کیا جارہا ہے۔