ڈالر ملکی تاریخ کی بلند ترین سطح پر، انٹربینک میں 155 روپے سے تجاوز کرگیا

کراچی: (کوہ نور نیوز) انٹربینک میں ڈالر کی قیمت ملکی تاریخ کی بلند ترین سطح پر برقرار ہے۔ جمعہ کے روز بھی کاروبار کے آغاز سے ہی ڈالر کی قدر میں اضافہ دیکھا گیا اور ابتداء میں ڈالر ایک روپے 10 پیسے مہنگا ہوکر 154 روپے کا ہوگیا۔ کاروبار کے دوران ڈالر کی قدر میں مزید اضافہ ہوا اور ڈالر 2.25 روپے مہنگا ہوکر 155.15 روپے کا ہوگیا۔ انٹربینک میں کاروبار کے اختتام پر ڈالر کی قیمت میں 2 روپے 94 پیسے اضافہ ہوا جس سے ڈالر 155.84 پر بند ہوکر ملکی تاریخ کی بلند ترین سطح پر برقرار رہا۔ انٹربینک میں ڈالر کی قدر بڑھنے سے اوپن مارکیٹ میں بھی اس کی قیمت میں 2.50 روپے اضافہ ہوا جس سے ڈالر اوپن مارکیٹ میں ڈالر 156 روپے کا ہوگیا۔