سال 2018: پاکستان اسٹاک ایکسچینج کے 100 انڈیکس میں 8.7 فیصد کمی ہوئی

کراچی: (کوہ نور نیوز) سال 2018 میں پاکستان اسٹاک ایکسچینج میں اتار چڑھاؤ جاری رہا اور 100 انڈیکس میں سال کا اختتام 3385 پوائنٹس کمی کے ساتھ 37085 پر ہوا۔ سال 2018 میں پاکستان اسٹاک ایکسچینج میں 16 ارب 71 کروڑ حصص کے سودے ہوئے جن کی مالیت 1945 ارب روپے رہی۔ پی ایس ایکس میں سال کے 246 دن کاروبار ہوا جن میں سے 129 دن منفی رہے جب کہ سال 2018 میں بلند ترین سطح 47148 اور کم ترین 36274 رہی۔ 100 انڈیکس نے 10874 پوائنٹس کے بینڈ میں کاروبار کیا، انڈیکس میں کاروباری دن میں سب سے زیادہ اضافہ 1556 پوائنٹس رہا جب کہ 1335 پوائنٹس کی گراوٹ سب سے بڑی رہی۔