تحریک انصاف نے اے این پی کی ایک اور وکٹ گرا دی

پشاور: (کوہ نور نیوز) وزیرِاعلیٰ ہاؤس پشاور میں میڈیا کو بریفنگ دیتے ہوئے پرویز خٹک کا کہنا تھا کہ عمران خان کو کسی چیز کی ضرورت نہیں بلکہ پاکستان کو عمران خان کی ضرورت ہے۔ ایسا پہلی بار ہو رہا ہے کہ لوگ جانے والی حکمران جماعت میں شامل ہو رہے ہیں۔ 2018ء کے انتخابات میں جیت پاکستان تحریکِ انصاف کی ہو گی۔ اس موقع پر سابق ایم پی اے اورنگزیب خان نے پی ٹی آئی میں شمولیت کا اعلان کیا۔ پرویز خٹک کا کہنا تھا کہ ایم ایم اے جب بنی تو صورتحال مختلف تھی۔ متحدہ مجلس عمل نے اپنے پانچ سالہ دور حکومت میں کیا کیا؟ ہم نے سود پر پابندی لگائی اور علماء کیلئے وظائف مقرر کئے۔