خطرناک مارٹر گولے آرٹ کے نمونوں میں تبدیل

بیروت (کوہ نور نیوز، ویب ڈیسک) لبنانی مصورہ کاتیہ طرابلوسی نے خطرناک مارٹر گولوں کو آرٹ کے نمونوں میں تبدیل کر دیا، انہوں نے اپنے فن پاروں کی نمائش لبنان میں خانہ جنگی کے آغاز کے 43 برس مکمل ہونے پر کی۔ کاتیہ طرابلوسی کا کہنا ہے انہوں نے گولوں پر سینتالیس ملک پینٹ کئے ہیں جنہیں وہ دنیا تصور کرتی ہیں۔ انہوں نے کہا انہوں نے اپنے فن پاروں میں تمام براعظموں میں بسنے والے لوگوں کی شناخت اور کہانی بیان کرنے کی کوشش کی ہے، ہر مارٹر گولہ اب تاریخ کا حصہ ہے۔