ثانیہ مرزا آسٹریلین اوپن ٹینس مکسڈ ڈبلز فائنل راؤنڈ میں داخل

میلبورن: (کوہ نورنیوز،ویب ڈیسک) بھارتی نامور ٹینس سٹار ثانیہ مرزا اور ان کے ہم وطن جوڑی دار روہن بھوپنا آسٹریلین اوپن ٹینس ٹورنامنٹ کے مکسڈ ڈبلز مقابلوں کے فائنل میں پہنچ گئے۔ رواں سال کے پہلے گرینڈ سلام آسٹریلین اوپن ٹینس ٹورنامنٹ کے دلچسپ اور کانٹے دار مقابلوں کا سلسلہ آسٹریلیا کے شہر میلبورن میں جاری ہے۔ آج کھیلے گئے مکسڈ ڈبلز مقابلوں کے پہلے سیمی فائنل میچ میں بھارتی نامور ٹینس سٹار ثانیہ مرزا اور ان کے ہم وطن جوڑی دار روہن بھوپناپر مشتمل بھارتی جوڑی نے انتہائی سخت مقابلے کے بعد امریکی ٹینس کھلاڑی ڈیسیرا کراؤزک اور ان کے برطانوی جوڑی دار نیل سکوپسکی کو 6-7(5-7)،7- 6(7-5) اور 6-10 سے شکست دے کر میگا ایونٹ کے فائنل کے لئے کوالیفائی کرلیا۔