مالی سال 2021-22 کے دوران 48 ارب ڈالر کا ریکارڈ تجارتی خسارہ

اسلام آباد: (کوہ نورنیوز) ادارہ شماریات کے اعدادو شمار کے مطابق مالی سال 2021-22ء کے دوران 48 ارب ڈالر کا ریکارڈ تجارتی خسارہ ہوا ہے۔ رپورٹ کے مطابق 12 ماہ کے دوران تجارتی خسارے میں 55.29 فیصد اضافہ ہوا ہے جب کہ گزشتہ سال درآمدات 80 ارب ایک کروڑ 90 لاکھ ڈالرز رہیں۔ جولائی تا جون کےدوران برآمدات 31 ارب 76 کروڑ ڈالرز رہیں، ایک سال میں درآمدات میں 41.93 فیصد جب کہ برآمدات میں 25.51 فیصد اضافہ ہوا ہے۔ مئی کی نسبت جون میں تجارتی خسارے میں 33.42 فیصد اضافہ ہوا جب کہ جون 2022 میں تجارتی خسارہ 4 ارب 83 کروڑ 50 لاکھ ڈالرز رہا۔ جون میں درآمدات 7 ارب 72 کروڑ 20 لاکھ ڈالرز جب کہ برآمدات 2 ارب 88 کروڑ 70 لاکھ ڈالرز رہیں۔