میلبرن، رافیل نڈال نے آسٹریلین اوپن کے فائنل میں جگہ بنا لی

میلبرن: (ویب ڈیسک) 20 گرینڈ سلیم جیتنے والے رافیل نڈال نے آسٹریلین اوپن کے فائنل میں جگہ بنا لی ہے، نڈال نے سیمی فائنل میں اٹلی کے میٹیو برینٹینی کو ہرایا۔ نڈال نے چھ تین، چھ دو، تین چھ اور چھ تین سے میچ اپنے نام کیا۔ دوسرا سیمی فائنل اسٹیفنوس سٹسیپاس اور دمتری میدویدیف کے درمیان آج ہو رہا ہے۔ فائنلسٹ اتوار کو ٹرافی کے لیے رافیل نڈال کے مدمقابل ہو گا۔ رافیل نڈال نے 20 گرینڈ سلیم جیت رکھے ہیں۔ یہ ٹائٹل جیت کر وہ مینز ٹینس میں سب سے زیادہ گرینڈ سلام جیتنے والے کھلاڑی بن جائیں گے۔ سوئٹزرلینڈ کے راجر فیڈرر اور سربیا کے نوواک جاکووچ نے بھی 20،20 گرینڈ سلام ٹائٹل جیت رکھے ہیں۔