منی لانڈرنگ کیس: حریم شاہ کے بینک اکاؤنٹس منجمد کرنے کیلئے خطوط لکھ دیئے گئے

لاہور: (کوہ نورنیوز،ویب ڈیسک) وفاقی تحقیقاتی ادارے (ایف آئی اے) نے ٹک ٹاکر حریم شاہ کے خلاف منی لانڈرنگ کیس کے معاملے پر دو بینک اکاؤنٹس منجمد کرنے کے لئے خطوط لکھ دیئے ہیں۔ ٹک ٹاک سٹار حریم شاہ کے خلاف منی لانڈرنگ کیس کے معاملے پر اہم پیشرفت سامنے آئی ہے اور ایف آئی اے نے پاکستان میں موجود دو بینک اکاؤنٹس منجمد کرنے کے لئے خط لکھے ہیں۔ دونوں اکاؤنٹس ٹک ٹاکر کے اصل نام فضا حسین کے نام سے بنائے گیے ہیں ، ایف آئی اے نے دونوں بینکوں کے ہیڈ کو کمپلائنس کو اکاؤنٹس منجمد کرنے کے لیے اہم اقدام اٹھایا ہے۔ واضح رہے کہ حریم شاہ نے منی لانڈرنگ کے ذریعے پیسے انگلینڈ لے جانے کی ویڈیو بنا کر سوشل میڈیا پر اپ لوڈ کی تھی۔