کندھ کوٹ میں معمولی تلخ کلامی پر چچا نے دو بھتیجے قتل کردیئے

کندھ کوٹ: (کوہ نورنیوز) چچا نے معمولی بات پر دو بھتیجوں کو قتل، جبکہ دو کو زخمی کر دیا۔ ضلع کشمور کی تحصیل کندھ کوٹ میں بھنگوار برادری کے دو گروہوں میں تصادم کے نتیجے میں 2 سگے بھائی قتل اور دو بھائی زخمی ہوگئے، واقعے کی اطلاع ملتے ہی پولیس کی بھاری نفری جائے وقوعہ پر پہنچ گئی اور حالات پر قابو پایا۔ پولیس حکام نے بتایا کہ واقعہ دو خاندانوں کے مابین غلط فہمی کا شاخسانہ ہے، سگے چچا نے اپنے دو بھتیجوں کو فائرنگ کرکے قتل کردیا، جب کہ دو بھائی فائرنگ میں زخمی ہوگئے، جنہیں اسپتال منتقل کردیا گیا ہے، واقعہ معمولی سی تلخ کلامی کے باعث پیش آیا، اور اس جھگڑے میں جدید اسلحہ سے ایک دوسرے پر فائرنگ کی گئی۔