ناظم جوکھیو قتل کیس: 5 ملزمان عبوری ضمانت منسوخ ہونے پر عدالت سے فرار

کراچی: (ویب ڈیسک) کراچی کے ایڈیشنل ڈسٹرکٹ اینڈ سیشن جج ملیر کی عدالت میں ناظم جوکھیو قتل کیس میں 5 ملزمان عبوری ضمانت منسوخ ہونے پر عدالت سے فرار ہوگئے۔ ایڈیشنل ڈسٹرکٹ اینڈ سیشن جج ملیر کی عدالت میں ناظم جوکھیو قتل کیس کی سماعت ہوئی۔ عدالت نے ملزمان کی ضمانت منسوخ کر دی، جس پر وہ فرار ہوگئے۔ عدالت نے ریمارکس دیئے کہ یہ ہمارا نہیں انسداد دہشتگردی عدالت کا کیس ہے، ملزمان پر مقتول ناظم جوکھیو کو فارم ہاوس پر لانے اور تشدد کرنے کا الزام تھا۔